සුන්දර උනවටුනේ අසුන්දරත්වය

සොබාදහමේ අපූර්ව නිර්මාණයන්ගෙන් හෙබි ශ්‍රී ලංකාවේ උණවටුන යනු බොහෝ ජනී ජනයාහට රසදුනකි. උණවටුන යනු සිතේ ඇති දාහයත්, ගතේ ඇති දාහයත් නිවා ගැනීමට ඇති විශ්මිත නිර්මාණයකි. එය මෙරට උපන් අපහට ස්භාදහම් මාතවගෙන් ලැබුණු දායාදයකි. අපද එසේ සිතුවෙමු.ගතකරන ඒකාකාරී ජීවිතයෙන් මිදී ගතටද සිතටද විවේකයක් දීමට අප කතිකාකර ගත්තෙමු. රට මැද වෙසෙන අපහට මුහුද දැකීමට ලැබෙන්නේද කලාතුරකින් බැවින් විවේකයට සුදුසුම ස්ථානය උනවටුන මුහුදුතීරය බව සැමදෙනාගේම අදහස විය.

උණවටුන යනු බිකිනි හැදගත් සුද්දියන්ගේ පාරාදීසයක් බව අපට දිස්වූයේ එහි ලගාවූ පසුය. අප එයට විරුද්ධ වුවහොත් අප දූපත් මානසිකත්වයෙන් පෙලෙන්නන් වශයෙන් හංවඩු ගසනු ඇත. කමක් නැත. සුද්දියන් බිකිනි හැදගත්තාවේ. නමුත් එහි ඇති කේදවාචකයනම් ඒ අවට වාසය කරන කුඩා දරුවාගේ සිට මහල්ලා දක්වා මෙම බිකිනි සංස්කෘතියේ කොටස්කරුවන් බවට පත්වී සිටීමය. ඔවුන් ස්වදේශිකයන් වන්නේ හමේ පාටින් හා භාෂාවෙන් පමණි. ඔවුන්ගේ ඇදුම් පැලදුම්, විලාසිතා, ගති සිරිත්, ආදී සියල්ලම බිකිනි සංස්කෘතියේ අවශේෂයන්ය. බ්‍රිත්‍යන්‍ය ජාතිකයන්ට මෙරට යටත්වීමෙන් හා 1977 විවෘත්ත ආර්ථිකයෙන් ඇතිවූ සංස්කෘතික සෝදාපාලුවේ මිලග පියවර මෙම බිකිනි සංස්කෘතියදැයි සැකයක් මතුවේ.එය එසේ වුවහොත් ජාතියේ අවසානය ගැන වැලපීමට සිත හදාගැනීම හැර වෙනත් විකල්පයක් ඉතිරි නොවනු ඇත.

 විනොදවීමට පැමිණ මෙවැනිදෑ සිතීම විවේක සුවයට බාධාවකි එබැවින් සියළු දොමනස්සයන් පහකර සිත්සේ මුහුදු ජලයේ පහස විදීමට සිතා අප වෙරලතීරය වෙත ලාගාවුනෙමු.

 අහෝ දුකකි. ඉරකි. තිතකි. 1948දී නිදහස් පනතින් ලංකාවට නිදහස දී ඇත්තේ උනවටුන වෙරල තීරය බ්‍රිතාන්‍ය කොලනියක් වශයෙන් තබාගනිමිනි. බසින් සිංහල වූ, හමින් කළු වූ අප වෙරලට ඇතුලුවිය යුත්තේ වෙරලතීරය වටා හෝටල් අටවාගත්තවුන්ගේ රැවුම් ගෙරවුම් මැදය. සුදු මහත්වරුන්ට WELCOMEය.  බඩු මුට්ටු තබා ගැනීමට ලංකාවේ පුරවැසියන්ට ස්ථානයක් නොමැත ඒ සදහාද බැනුම් අසමින් බලහත්කාරයෙන් සුථානයක් සොයාගත  යුතුය. නැතිනම් මුදල් ගෙවා ස්භාවික වෙරලේ ස්ථානයක් වෙන්කරවා ගත යුතුය. ඒ ඒවා සුදු මහත්වරුන් ගේ සුව පහසුව උදෙසා වෙන්කර ඇති බැවිනි. දියනෑමට ගල්පර සහිත ප්‍රදේශයට යන ලෙස හෝටල් කරුවන් පවසයි. ඒ කලු හම සහිත අප එම ප්‍රදේශයේ දිය නෑම සුදු මහත්වරුන්ට කරන නිගරුවක් නිසාදැයි නොදනිමි. දියනෑමට සුදුසු ස්ථාන සුදු මහත්වරුන්ගේය. උනවටුන ඇත්තේ මාගේ මව්බිමේ නොව බ්‍රිතාන්‍ය කොලනියකදැයි සැක සිතෙන තරමට ස්වදේශිකයන්හට එහි කෙනෙහිලි ඇත.

අප උපන් දේශයේම අප පිටුවහලුන් වී ඇත.